Miskien is dit gepas as ons eers net afskop met bietjie agtergrond oor onsself en die swangerskap.
Pappa is 'n ingenieur en Mamma 'n apteker en ons verskil sowat 11 jaar in ouderdom van mekaar. Ons woon tans in Johannesburg waar Pappa by 'n telekommunikasie maatskappy werk. Mamma is sedert die geboorte by die huis om, om te sien na ons eige kleine "meerkatvlooitjie"!
Ons was sowat twee jaar getroud voordat Kabouter sy opwagting gemaak het. Mamma het maklik swanger geword en vanweë die feit dat dit 'n beplande swangerskap was, het sy reeds etlike maande vooraf getrou haar foeliensuurpille gedrink en daarmee volgehou tot en met die einde van die eerste tri-semester van die swangerskap. (Meer oor die invloed van foeliensuur 'n bietjie later)
Rondom die agtste week van swangerskap was daar 'n effense gevaar van abortasie en het die Ginekoloog haar 'n paar dae van die werk afgeboek om net rustig te wees. Dit het gehelp en daar was geen verdere komplikasies nie. Op daardie stadium was Mamma werksaam by 'n Vrystaatse plattelandse hospitaal in die vervulling van haar "Zuma"-jaar as apteker.
Ons het getrou die Ginekoloog rondom die vierde week gaan sien vir 'n ondersoek en sonar en teen die einde moes ons hom elke tweede week besoek het. Hy het nooit onraad vermoed nie en ons glo dat ons Vader in die hemel dit ook so beskik dat hy nagelaat het deur nie 'n standaard bloedtoets op 16 weke uit te gevoer het nie, want dan sou die diagnose dan reeds bekend gewees het . . .
In retrospek is ons baie dankbaar dat dit nie vooraf opgetel was nie, maar meer daaroor bietjie later.
Pappa is 'n ingenieur en Mamma 'n apteker en ons verskil sowat 11 jaar in ouderdom van mekaar. Ons woon tans in Johannesburg waar Pappa by 'n telekommunikasie maatskappy werk. Mamma is sedert die geboorte by die huis om, om te sien na ons eige kleine "meerkatvlooitjie"!
Ons was sowat twee jaar getroud voordat Kabouter sy opwagting gemaak het. Mamma het maklik swanger geword en vanweë die feit dat dit 'n beplande swangerskap was, het sy reeds etlike maande vooraf getrou haar foeliensuurpille gedrink en daarmee volgehou tot en met die einde van die eerste tri-semester van die swangerskap. (Meer oor die invloed van foeliensuur 'n bietjie later)
Rondom die agtste week van swangerskap was daar 'n effense gevaar van abortasie en het die Ginekoloog haar 'n paar dae van die werk afgeboek om net rustig te wees. Dit het gehelp en daar was geen verdere komplikasies nie. Op daardie stadium was Mamma werksaam by 'n Vrystaatse plattelandse hospitaal in die vervulling van haar "Zuma"-jaar as apteker.
Ons het getrou die Ginekoloog rondom die vierde week gaan sien vir 'n ondersoek en sonar en teen die einde moes ons hom elke tweede week besoek het. Hy het nooit onraad vermoed nie en ons glo dat ons Vader in die hemel dit ook so beskik dat hy nagelaat het deur nie 'n standaard bloedtoets op 16 weke uit te gevoer het nie, want dan sou die diagnose dan reeds bekend gewees het . . .
In retrospek is ons baie dankbaar dat dit nie vooraf opgetel was nie, maar meer daaroor bietjie later.
No comments:
Post a Comment